သရက်ကို အစေ့ကနေပျိုးထောင်တဲ့အခါ ဘာတွေသိထားသင့်လဲ

• အစေ့ကို ပျိုးထောင်ပြီး ပျိုးပင်ထုတ်လုပ်တာက လွယ်ကူပြီး ကုန်ကျစရိတ်သက်သာပါတယ်။ ဒါပေမယ့် အသီးသီးဖို့ (၅-၇)နှစ်ကြာတတ်ပါတယ်။ အစေ့ကနေ စိုက်တဲ့အပင်တွေဟာ သက်တမ်းကြာကြာ ရှင်သန်နိုင်ပါတယ်။

• အစေ့ကို ပျိုးထောင်ပြီး ပျိုးပင်ထုတ်လုပ်တဲ့အခါ တစ်စေ့ကနေ တစ်ပင်ပဲပေါက်တဲ့ မိုနိုအမ်ဘရိုင်ယိုနစ် (Monoembryonic) မျိုးနဲ့ တစ်စေ့ကနေ တစ်ပင်ထက်ပိုပြီးပေါက်တဲ့ ပိုလီအမ်ဘရိုင်ယိုနစ် (Polyembryonic) မျိုးဆိုပြီးရှိပါတယ်။

• တစ်စေ့တစ်ပင်ပေါက်မျိုးကို အစေ့ကနေ ပျိုးထောင်စိုက်ပျိုးရင် ရလာတဲ့သရက်ပင်တွေဟာ မိခင်ဗီဇနဲ့ မတူတာတွေရှိနိုင်ပါတယ်။ ဒါကြောင့်စိုက်ခင်းထဲမှာ သုံးလေ့မရှိပါ။

• တစ်စေ့ကနေ တစ်ပင်ထက်ပိုပေါက်တဲ့မျိုးဟာ လိင်ပေါင်းစပ်ပြီး ရလာတဲ့အပင်ပေါက်တွေမှာ ထူးထူးကဲကဲပုပြီး မသန်စွမ်းတဲ့ အပင်တွေဖြစ်လာပါတယ်။ မိခင်ပင်နဲ့ မတူတာတွေလည်းရှိနိုင်ပါတယ်။ လိင်ပေါင်းစပ်မှုကနေ ရလာတဲ့အပင်ပေါက်တွေဟာ သန်စွမ်းကြပါတယ်။ တစ်စေ့ကနေ တစ်ပင်ထက်ပိုပေါက်တဲ့မျိုးစေ့ကို ပျိုးထောင်ရင် မိခင်အပင်နဲ့တူတဲ့ ဗီဇရှိတဲ့အပင်ကိုလည်း ရရှိနိုင်တဲ့အတွက် စိုက်ခင်းတည်ထောင်တဲ့အခါ သုံးလို့ရပါတယ်။

• အစေ့ကို ပျိုးထောင်စိုက်ပျိုးတဲ့အပင်တွေဟာ အသီးသီးဖို့အချိန်ကြာပြီး သီးထွက်နောက်ကျတဲ့အပြင် အပင်ပြုစုထိန်းသိမ်းရတဲ့ကာလလည်းကြာတဲ့အတွက် စီးပွားဖြစ်စိုက်ပျိုးမယ့်သူတွေအတွက် အစေ့ပျိုးပင်ကို မစိုက်သင့်ပါ။

• အစေ့ကနေ ပျိုးထောင်ပြီး ရလာတဲ့ပျိုးပင်ကို အဖူးမြှုပ်၊အကိုင်းဆက်ဖို့အတွက် အောက်ခံပင်အနေနဲ့ သုံးကြပါတယ်။ သရက်မျိုးစေ့ကို ပျိုးထောင်တဲ့အခါ နည်း(၂)နည်းနဲ့ပျိုးထောင်ကြပါတယ်။

(၁) ပျိုးဘောင်ဖြင့် ပျိုးထောင်ခြင်း

--------------------------------------

• ပျိုးဘောင်ကို ရေအလွယ်တကူရပြီး ရေမဝပ်နိုင်တဲ့နေရာမှာ လုပ်သင့်ပါတယ်။ မြေဆွေး၊စက်ဖွဲပြာ၊သဲတွေကို ဆတူရောပြီး အမြင့် (၆)လက်မ အကျယ်(၃)ပေ အရှည်ကို သင့်တော်သလို လုပ်ပြီး အပေါ်ကနေ အမိုးကျဲလုပ်ထားပေးရပါမယ်။ဘောင်တွေမှာ ပုရွက်ဆိတ်၊ခြတွေမဖျက်ဆီးအောင် ပိုးသတ်ဆေးတွေ လုပ်ထားသင့်ပါတယ်။

• မျိုးစေ့တွေ ပျိုးထောင်ဖို့ သုံးတဲ့မျိုးစေ့တွေဟာ ကောင်းကောင်းမှည့်တဲ့ အသီးကနေ ရတဲ့ ရောဂါပိုးမွှားဖျက်ဆီးခြင်းမရှိတဲ့ မျိုးစေ့ဖြစ်ရပါမယ်။

• ပျိုးဘောင်ပေါ်မှာ သရက်စေ့ရဲ့ အမွှေးပါတဲ့ ဘေးစောင်းကို အောက်ဖက်မှာထားပြီး ဒေါင်လိုက်အနေအထားနဲ့ မြေအနက် လက်မဝက်လောက် မြှုပ်ပေးရပါမယ်။ သရက်စေ့ရဲ့ထိပ်(၂)ဖက်ကို ဖြတ်ပြီးတော့ပဲဖြစ်ဖြစ်၊ အစေ့ခွံကို ခွာပြီးတော့ပဲဖြစ်ဖြစ် ပျိုးထောင်စိုက်ရင် အပင်ပေါက်မြန်ပါတယ်။

• မျိုးစေ့တွေကို ပျိုးဘောင်ပေါ်မှာ မျိုးစေ့ချတဲ့အခါ တစ်စေ့နဲ့တစ်စေ့ ၄လက်မခြားသင့်ပါတယ်။

• အစေ့ချပြီး၇င် ပျိုးဘောင်ကို ကောက်ရိုးပါးပါးအုပ်ပြီး ရေသင့်တော်ရုံဖျန်းပေးရမှာဖြစ်ပါတယ်။

• (၂-၄)ပတ်အတွင်း အပင်တွေပေါက်လာမှာဖြစ်ပါတယ်။ အပင်ပေါက်တွေကို ပျိုးအိတ်ထဲကို ပြောင်းရွှေ့စိုက်ပျိုးပေးရမှာဖြစ်ပါတယ်။ဒီလိုပြောင်းထားပေးရင် ကိုင်းကူးကိုင်းဆက်တဲ့အခါ အောက်ခံပင်အနေနဲ့ သုံးနိုင်မှာဖြစ်ပါတယ်။

(၂)ပျိုးအိတ်ဖြင့်ပျိုးထောင်ခြင်း

-----------------------------------

• ပျိုးအိတ်ထဲကို တိုက်ရိုက်အစေ့ချ ပျိုးထောင်တဲ့အခါ ပျိုးဘောင်မှာ ချသလို ပျိုးအိတ်ထဲကို အစေ့ချပျိုးရပါတယ်။ ပျိုးအိတ်ကို စရိတ်သက်သာပြီး တာရှည်ခံတဲ့ ပလပ်စတစ်အိတ် အနက်ရောင်ကို သုံးသင့်ပါတယ်။ (၅” × ၈”)အရွယ်အသုံးများပါတယ်။ မြေအိုး၊ဝါးခြင်း၊ဝါးကျည်ေ တာက်၊ဝါးဖတ်တွေကိုလည်း သုံးနိုင်ပါတယ်။

သရက်မျိုးစေ့ကို ပျိုးထောင်တဲ့အခါ ဒီအချက်တွေကို အထူးအလေးထားရပါမယ်။

• မိမိရယူလိုတဲ့မျိုးစေ့ဖြစ်ရပါမယ်။

• မျိုးစေ့ကောင်းကောင်းကြီးရင့်ပြီး မျိုးအလိုက် ရှိသင့်ရှိထိုက်တဲ့ အရွယ်အစားဖြစ်ရပါမယ်။

• မျိုးစေ့တွေကို ပျိုးမထောင်ခင် အချဉ်ပေါက်ပြီး မပျက်စီးစေဖို့ သိုလှောင်တာတွေ မလုပ်ရပါ။

• မျိုးစေ့တွေကို အသားတွေကုန်အောင် ရေဆေးပြီး လေသလပ်ခံရပါမယ်။ နေမလှန်းရပါ။

• သရက်စေ့တွေဟာ စေ့နေ သက်တမ်း တိုတဲ့အတွက် တစ်ပတ်အတွင်း ပျိုးထောင်ရပါမယ်။ ချက်ချင်း ပျိုးထောင်နိုင်ရင်ပိုကောင်းပါတယ်။

• အခြေအနေအရ မျိုးစေ့တွေကို မစိုက်ဖြစ်သေးရင် တစ်လထက်ပိုပြီး မသိုလှောင်သင့်ပါ။

Source;စိုက်ပျိုးရေးဦးစီးဌာန